ბაღდათში, სოფელ ზეკარში, ხანძრის ლოკალიზაციის სამუშაოები მიმდინარეობს. როგორც „ინტერპრესნიუსს“ საგანგებო სიტუაციების მართვის სამსახურიდან აცნობეს, ცეცხლის დასახლებულ პუნქტებზე გავრცელების საშიშროება არ არსებობს. მათივე ინფორმაციით, ადგილზე მობილიზებულია ყველა შესაბამისი სამსახური, რათა დროულად მოხდეს ხანძრის ლოკალიზება.
„ზეკარის ხეობაში მდგომარეობა კონტროლს ექვემდებარება. ხანძრის ფართობი არ გაზრდილა. ადგილზე მობილიზებულია 200 მეხანძრე-მაშველი და სატყეო დეპარტამენტის თანამშრომლები, რომლებიც აქტიურად მუშაობენ, რათა მოხდეს ხანძრის ლოკალიზება. ამ დროისთვის მდგომარეობა სტაბილურია“, - განაცხადა საგანგებო სიტუაციების მართვის სამსახურის სახანძრო-სამაშველო დეპარტამენტის უფროსმა, ალექსანდრე ხვადაგიანმა.