გიორგი მარგველაშვილი - პარიზის მშვიდობის ფორუმი საქართველოს პრობლემატიკაზე მსჯელობის კარგი შესაძლებლობა იყო

საქართველოს პრეზიდენტმა გიორგი მარგველაშვილმა, რომელიც პარიზში პირველი მსოფლიო ომის დასრულების 100 წლისთავისადმი მიძღვნილ საზეიმო ღონისძიებებში მონაწილეობს, საფრანგეთში სამუშაო ვიზიტი შეაჯამა და მადლობა გადაუხადა ფრანგულ მხარეს მსოფლიო ლიდერებთან საქართველოს პრობლემატიკის განხილვის შესაძლებლობისათვის.

პრეზიდენტის ადმინისტრაციის ინფორმაციით, მშვიდობის ფორუმი, რომელსაც საქართველოს პრეზიდენტი დაესწრო, საფრანგეთის პრეზიდენტის ემანუელ მაკრონის ინიციატივით გაიმართა.

,,ამ დღეების განმავლობაში საქართველოს დელეგაცია მუშაობდა პარიზის მშვიდობის ფორუმის ფორმატში, რომელიც პირველი მსოფლიო ომის დასრულების 100 წლის იუბილეს მიეძღვნა.

ფორუმს მსოფლიოს 100-მდე ლიდერი ესწრებოდა და ფორუმის ორგანიზატორებმა მოგვცეს შესაძლებლობა ერთმანეთთან არაფორმალური ურთიერთოებისათვის და იმ საკითხების განხილვისათვის, რომელიც მნიშვნელოვანია ჩვენთვის.

მომეცა შესაძლებლობა საქართველოს პრობლემატიკაზე მესაუბრა.

პირველი მსოფლიო ომი, ისევე როგორ მეორე მსოფლიო ომი არის ტრაგედია, იქიდან გამომდინარე, რომ მშვიდობისა და საერთო პრინციპების ღირებულებები იქნა დავიწყებული და ამან მიიყვანა კაცობრიობა კატასტროფამდე.

ამ კონტექსტში, ძალიან აქტუალურად და ზუსტად ჟღერდა ის სირთულეები, რაც საქართველოს აქვს საკუთარი მეზობლის მიმართ, რადგან საქართველოს ოკუპაცია, საქართველოს ინტერესების წინააღმდეგ მოქმედება არის სწორედ ღირებულებებისა და საერთაშორისო სამართლის სრული უგულებელყოფა.

მადლობა მინდა გადავუხადო ფორუმის ორგანიზატორებს, რათა ამ საკითხების განხილვის შესაძლებლობა მოგვეცა," - აღნიშნა გიორგი მარგველაშვილმა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს