გენადი არველაძე - თუ საზოგადოებაში იქნება კონსენსუსი, მზად ვართ კანონპროექტი ანტიდემპინგური ღონისძიებების შესახებ პარლამენტში განსახილველად წარვადგინოთ

საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე ანტიდემპინგური კანონპროექტის საჭიროების საკითხები განიხილეს, რომელშიც ეკონომიკისა და მდგრადი განვითარების მინისტრის მოადგილე, გენადი არველაძე მონაწილეობდა.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, კომიტეტის სხდომაზე ერთ-ერთი მთავარი მომხსენებელი იყო შპს „რუსთავის ფოლადის“ გენერალური დირექტორი, ნუგზარ კაჩუხაშვილი, რომელმაც მეტალურგიისა და სამშენებლო მასალების წარმოების დარგში არსებულ პრობლემებსა და გამოწვევებზე ისაუბრა. მისი ინფორმაციით, საქართველოში არმატურის წარმოების განვითარებას ხელს უშლის უცხო ქვეყნიდან იმპორტირებული არმატურა, რომელიც, ნუგზარ კაჩუხაშვილის შეფასებით, დემპინგურ ფასებში იყიდება. სწორედ დემპინგის შეფასების კრიტერიუმებისა და ანტიდემპინგური ღონისძიებების საჭიროების საკითხი გახდა დეპუტატების, მთავრობის წევრების, ბიზნესის წარმომადგენლებისა და მოწვეული ექსპერტების მსჯელობის მთავარი საგანი, რომელიც, საკითხის სირთულიდან გამომდინარე, ყველა მხარის ჩართულობით კვლავ სამუშაო რეჟიმში გაგრძელდება.

როგორც გენადი არველაძემ სხდომის დასრულების შემდეგ ჟურნალისტებს განუცხადა, კანონპროექტი ანტიდემპინგური ღონისძიებების შესახებ თავის დროზე მომზადებულია ეკონომიკის სამინისტროს მიერ და მთავრობას აქვს მზადყოფნა, რომ თუ კონსენსუსი შედგება და იქნება უმრავლესობის გადაწყვეტილება, კანონპროექტი განხილვისთვის წარდგენილი იყოს საქართველოს პარლამენტში.

„კანონპროექტის ინიცირებამდე ჩვენ მზად ვართ, კონსულტაციების რეჟიმში გავაგრძელოთ მუშაობა როგორც კერძო სექტორთან, ასევე ყველა დაინტერესებულ მხარესთან, რომ მაქსიმალური ჩართულობა იყოს პროცესში და საზოგადოებაში არსებობდეს კონსენსუსი, არის თუ არა რეალურად ეს კანონი საჭირო ქვეყანაში. თუ ასეთი დაკვეთა მოდის საზოგადოებიდან, მზადყოფნას გამოვთქვამთ, მოვახდინოთ აღნიშნული კანონპროექტის წარდგენა საქართველოს პარლამენტში“, - აღნიშნა გენადი არველაძემ.

არველაძის თქმით, დღეს მთავრობა მოკლებულია შესაძლებლობას დაზუსტებით თქვას, ხდება თუ არა დემპინგურ ფასებში რომელიმე იმპორტირებული, ან ადგილობრივად წარმოებული პროდუქტის გაყიდვა, რადგან არ არსებობს შესაბამისი კანონმდებლობა.

„აქვე მინდა აღვნიშნო, რომ 15 ნოემბრიდან ძალაში შედის ახალი რეგულაცია, რომელიც ქვეყანაში უზრუნველყოფს კონტროლს უსაფრთხო პროდუქტის ბაზარზე განთავსების კუთხით. პირველ ეტაპზე, რეგულაცია გავრცელდება ოთხი სახის სამშენებლო პროდუქტზე, ესენია: არმატურა, ცემენტი, პლასტმასის მილები და ელექტროკაბელები. ამ პროდუქციაზე საბაჟო კონტროლი იქნება იმპორტის კუთხით, ხოლო რაც შეეხება ადგილობრივ ბაზარს, აქ მოხდება ზემოთ ხსენებული ადგილობრივი თუ იმპორტირებული პროდუქტის სახეობების კონტროლი და ზედამხედველობა, რაც გულისხმობს ლაბორატორიულ კვლევებს, ევროსტანდარტებთან შესაბამისობას და ა.შ.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის