ეს არის ქმედება, რომელსაც უნდა დავაწეროთ - No Comment და ამით ყველაფერი უნდა დავამთავროთ, - განუცხადა "ინტერპრესნიუსს" ექსპერტმა გია ხუხაშვილმა ცენტრალური საარჩევნო კომისიის გადაწყვეტილებაზე არჩევნების მეორე ტურის სამუშაო დღეს დანიშვნასთან დაკავშირებით.
„რაციონალური არგუმენტებით ამის ახსნა შეუძლებელია, მისტიური მომენტები ფიგურირებს უკვე ამ ყველაფერში. ვარსკვლავების მდგომარეობის გამო გადაწყვიტეს ალბათ, ასე. ეტყობა მიხეილ ცაგარელის დაჟინებული რეკომენდაცია იყო, რომ სამუშაო დღეს დაენიშნათ არჩევნები, სხვა ლოგიკას მე ვერ ვხედავ. როგორც ჩანს, ცაგარელიც „ქართული ოცნების“ ახალი ლიდერია, რასაც ვულოცავ. მე მეტ კომენტარს ვერ გავაკეთებ. ეს არის ქმედება, რომელსაც უნდა დავაწეროთ - No Comment და ამით უნდა დავამთავროთ“, - განაცხადა გია ხუხაშვილმა.
შეგახსენებთ, რომ ცესკო-ს გადაწყვეტილებით, საპრეზიდენტო არჩევნების მეორე ტური 28 ნოემბერს, ოთხშაბათ დღეს დაინიშნა.