თბილისის სახელმწიფო სამედიცინო უნივერსიტეტი რიგით მეორე დასაქმების ფორუმს გამართავს

ხვალ, თბილისის სახელმწიფო სამედიცინო უნივერსიტეტი რიგით მეორე დასაქმების ფორუმს გაუწევს ორგანიზებას.

როგორც „ინტერპრესნიუსს“ სამედიცინო უნივერსიტეტიდან აცნობეს, ღონისძიების ფარგლებში დასაქმების მსურველ მედიცინის, სტომატოლოგიის, საზოგადოებრივი ჯანდაცვის, ფარმაციისა, თუ ფიზიკური მედიცინის და რეაბილიტაციის ფაკულტეტების სტუდენტებს, ასევე სხვადასხვა სპეციალობის რეზიდენტებს, მაგისტრებს და კურსდამთავრებულებს (დიპლომირებული მედიკოსები, ფარმაცევტები, საზ. ჯანდაცვის სპეციალისტები და ა.შ) შესაძლებლობა ექნებათ გაეცნონ საქართველოში მოქმედ წამყვან ჰოსპიტალურ გაერთიანებებს, კერძო კლინიკებს, ფარმაცევტულ და სადაზღვევო კომპანიებს და ვაკანტურ პოზიციებზე წარადგინონ საკუთარი კანდიდატურა.

თსსუ-ს ინფორმაციით, ფორუმის მთავარი მიზანი დასაქმების ხელშეწყობა და ორმხრივად სასარგებლო ურთიერთობების წარმოებაა, ვინაიდან სტუდენტებისა თუ კურსდამთავრებულებისთვის მნიშვნელოვანია კარიერული განვითარება, ხოლო კომპანიებისთვის მათთან წარმატებული კადრების დასაქმება.

„უნივერსიტეტის პირველი დასაქმების ფორუმი ეფექტური აღმოჩნდა, შესაბამისად, მოთხოვნა მომდევნო ღონისძიების ორგანიზებაზე გაიზარდა, როგორც სტუდენტების, ასევე, დამსაქმებლების მხრიდან. მეტიც, ფორუმში მონაწილეობის მიღებით ახალი სამედიცინო დაწესებულებები და კომპანიები დაინტერესდნენ.

ფორუმზე წარმოდგენილი იქნება 40-ზე მეტი ორგანიზაცია, რომლებიც დასაქმების მსურველებს 120-ზე მეტ ვაკანსიას შესთავაზებენ“, - ნათქვამია თსსუ-ს მიერ გავრცელებულ ინფორმაციაში.

ღონისძიება თსსუ-ის ბიბლიოთეკაში 11:00 საათიდან გაიმართება.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს