მოქალაქეებს უნდა მიეცეთ საშუალება თავისუფალი არჩევანის გაკეთების, დემოკრატიულ გარემოში, რასაც შს სამინისტრო უზრუნველყოფს, - ასე აფასებს შს მინისტრი გიორგი გახარია „ქართული ოცნების“ თავმჯდომარის, ბიძინა ივანიშვილის განცხადებას იმის შესახებ, რომ არავის მისცემს უფლებას, არჩევნები გააყალბოს.
„შს სამინისტროს ძირითადი ამოცანა გახლავთ, როგორც არჩევნებამდე, ასევე არჩევნების დღეს და ისე არჩევნების შემდგომ ქვეყანაში სიმშვიდე და სიწყნარე, რათა მოქალაქეებს მიეცეთ საშუალება თავისუფალი არჩევანის გაკეთების, დემოკრატიულ გარემოში, რასაც შს სამინისტრო უზრუნველყოფს. ჩვენ პირველ რიგში ვიზრუნებთ ჩვენს მოქალაქეებზე და მათ უსაფრთხოებაზე“, - განაცხადა გიორგი გახარიამ.
რაც შეეხება არასამთავრობო ორგანიზაციების მიერ გავრცელებულ ინფორმაციას იმის შესახებ, რომ ყალბი პირადობის მოწმობები მზადდება და შესაძლოა, არჩევნები გაყალბდეს, გახარიამ უპასუხა, რომ პროკურატურა ამ საკითხს სწავლობს და ყველა შეკითხვას გაეცემა პასუხი.