ოკუპირებული სამხრეთ ოსეთის დე ფაქტო სახელმწიფო უშიშროების კომიტეტი საქართველოს საპრეზიდენტო არჩევნების მეორე ტურის პერიოდში ე.წ. საზღვარს ჩაკეტავს, - ამის შესახებ ინფორმაციას დე ფაქტო უწყება ავრცელებს.

„სამხრეთ ოსეთის სახელმწიფო უშიშროების კომიტეტი იუწყება, რომ უსაფრთხოების ზომების გაძლიერებასთან დაკავშირებით საქართველოს საპრეზიდენტო არჩევნების მეორე ტურის პერიოდში, 27 ნოემბრის 20:00 საათიდან იგეგმება საქართველოსთან სახელმწიფო საზღვრის გადაკვეთის ადგილების ფუნქციონირების დროებითი შეჩერება. აღნიშნული პუნქტების ფუნქციონირება 29 ნოემბერს, დილის 06:00 საათზე განახლდება“, - იუწყებიან დე ფაქტო სახელმწიფო უშიშროების კომიტეტში.

იხილეთ ვიდეო: საპრეზიდენტო არჩევნების მეორე ტურის პერიოდში ოკუპირებული "სამხრეთ ოსეთი" ე.წ. საზღვარს ჩაკეტავს