საქართველოში ამერიკის შეერთებული შტატების ელჩის მოვალეობის შემსრულებლის, როს უილსონის განცხადებით, ის დაელოდება ცესკო-სა და სხვა ორგანიზაციების შეფასებებს და არჩევნებთან დაკავშირებით განცხადებას ამის შემდეგ გააკეთებს.

როგორც აშშ-ს ელჩის მოვალეობის შემსრულებელმა ჟურნალისტებს განუცხადა, ის მოხარულია, რომ საქართველოში მიმდინარე საარჩევნო პროცესს აკვირდებოდა.

„ეს არის ფუნდამენტური, ნებისმიერი დემოკრატიისთვის უმნიშვნელოვანესი და შესაბამისად, ჩვენც მხარს ვუჭერთ არჩევნებს. მე მოხარული ვარ, რომ მქონდა შესაძლებლობა, დავკვირვებოდი პროცესს თუ როგორ გამოხატავდნენ თავიანთ ნებას ქართველი ამომრჩევლები. დაველოდებით ცენტრალური საარჩევნო კომისიის, ასევე სხვა ორგანიზაციების შეფასებების შედეგებს და შემდეგ გავაკეთებთ განცხადებას”,- აღნიშნა როს უილსონმა.