ევროპარლამენტარი -  ღრმად ვარ შეშფოთებული საქართველოში საპრეზიდენტო არჩევნებთან დაკავშირებულ გარემოებებთან მიმართებაში

ევროპარლამენტის წევრი ანა ფოტიგა შეშფოთებას გამოთქვამს საქართველოში საპრეზიდენტო არჩევნებთან დაკავშირებულ გარემოებებთან მიმართებაში.

„მე ვარ ღრმად შეშფოთებული საქართველოში საპრეზიდენტო არჩევნებთან დაკავშირებულ გარემოებებთან მიმართებაში და ვიზიარებ საერთაშორისო სადამკვირვებლო და NDI-ს წარმომადგენელთა შეფასებას, მათ შორის იმ ნაწილში, რომ ადგილი ჰქონდა ადმინისტრაციული რესურსის ხშირ შემთხვევაში ბოროტად გამოყენებას, ხმების ყიდვის მცდელობას და ხმების დათვლის მანიპულირებას. ბოლო წლების განმავლობაში მე პირადად ვახორციელებდი საქართველოში ჩატარებული არჩევნების მონიტორინგს, მათ შორის ამ არჩევნების პირველი ტურის მონიტორინგს და გარკვეული დარღვევები თვალშისაცემი იყო. თუმცა, ამჯერად ამგვარი დარღვევები გაფართოვდა და ზოგადი სიტუაცია გაუარესდა, რამაც ყველა მხარესთვის კონკურენციის სამართლიანი პირობების არსებობას შესაძლოა ხელი შეუშალა და პარტიასა და სახელმწიფოს შორის ხაზები წაშალა“, - ნათქვამია ევროპარლამენტარის განცხადებაში.

ანა ფოტიგა თავის განცხადებაში ხაზგასმით აღნიშნავს, რომ „საქართველოსთვის და საქართველოს ტრანსატლანტიკური კურსისთვის ძალიან მნიშვნელოვანია არჩევნებთან დაკავშირებული ყველა დარღვევის სრული გამჭვირვალეობისა და გამოძიების უზრუნველყოფა“.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს