აზერბაიჯანის რესპუბლიკის პრეზიდენტი სალომე ზურაბიშვილს პრეზიდენტად არჩევას ულოცავს.

ილჰამ ალიევი იმედოვნებს, რომ საქართველო და აზერბაიჯანი ურთიერთნდობასა და მხარდაჭერაზე დაფუძნებული სტრატეგიული პარტნიორობის უფრო განმტკიცებას შეძლებენ.

„გულითადად გილოცავთ საქართველოს პრეზიდენტის პოსტზე არჩევას! აზერბაიჯანსა და საქართველოს ტრადიციულად მეგობრული და კეთილმეზობლური ურთიერთობები აკავშირებთ. მე მჯერა, რომ ჩვენ ერთობლივად ვიმუშავებთ ჩვენს ქვეყნებს შორის ურთიერთნდობასა და მხარდაჭერაზე დაფუძნებული სტრატეგიული პარტნიორობის უფრო განმტკიცებისა და ამის შემდგომაც თანამშრომლობის ყველა სფეროს წარმატების მიმართულებით.

გისურვებთ, მტკიცე ჯანმრთელობასა და ბედნიერებას, მოძმე ქართველი ხალხის კეთილდღეობისადმი მიზანმიმართულ თქვენს საპასუხისმგებლო საქმიანობაში მსურს გისურვოთ წარმატებები“, - აღნიშნულია ილჰამ ალიევის წერილში.