ღამის ავტობუსებით 40-მდე მგზავრი სარგებლობს

თბილისში ღამის ავტობუსმა შესაძლოა ლისის ტბის და ვაკის მიმართულებით იაროს, - ამის შესახებ თბილისის ღამის ეკონომიკის პროექტის ხელმძღვანელმა სერგი გვარჯალაძემ „ინტერპრესნიუსს“ განუცხადა.

როგორც გვარჯალაძემ აღნიშნა, ახლა ღამის ავტობუსით 30-40 მგზავრი სარგებლობს, თუმცა, მერიას კონკრეტული მონაცემები დეკემბრის ბოლოს ექნება.

„დეკემბრის ბოლოს გვინდა ამოვიღოთ მონაცემები, რადგან ავტობუსში დამონტაჟებულია სპეციალური ხელსაწყო, რომელიც ითვლის როგორი დატვირთვა იყო. გვინდა, ზაფხულში უკვე სხვა მიმართულებებზე გავუშვათ ავტობუსი, მაგალითად, ვაკის მიმართულებაზე, რადგან ამ მიმართულებით არაფერი მოძრაობს ღამის განმავლობაში, მით უმეტეს, თუ გავითვალისწინებთ, რომ კუს ტბაზე რამდენიმე დაწესებულებაა. ასევე, საინტერესოა ლისის მიმართულება, ამიტომ ეს შეიძლება იყოს ცალკე ხაზი. ძვირი სიამოვნება იქნება, უბრალოდ ავტობუსი რომ გავუშვათ დაკვირვების გარეშე, ამიტომ გვინდა, სარგებლიანი იყოს ქალაქისთვის და ფული არ დაიფანტოს.

222 ნომერი რეგულარულად მოძრაობს პარასკევს და შაბათს, რადგან ამ დღეებში ყველაზე მეტი დატვირთვაა. რასაც ვუყურებთ ძირითადად, ერთიდაიგივე ადამიანები დაყვებიან, რომლებიც ღამის განმავლობაში მუშაობენ, დაახლოებით, 30-40 ადამიანი. ვფიქრობთ, მეტი კომუნიკაცია გვჭირდება ტურისტებთან, რომ მათაც გაიგონ ამ ავტობუსის არსებობის შესახებ. ამ ეტაპზე ეს კომუნიკაცია არ გვაქვს, რასაც ზაფხულის პერიოდში მოვაწესრიგებთ“, - განაცხადა გვარჯალაძემ.

ცნობისთვის, თბილისში ღამის ავტობუსი 22 სექტემბრიდან მოძრაობს. 222 ნომერი ავტობუსი მეტრო „ახმეტელიდან“ მეტრო „ვარკეთილამდე“ ღამის 01:00 საათიდან, 06:00 საათამდე მოძრაობს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს