ნიკა რურუა ის კაცი იყო, რომელიც საქართველოს ტერიტორიულ მთლიანობას იცავდა საკუთარი სიცოცხლის ფასად, - ამის შესახებ ნიკა რურუას სამძიმარზე მისულმა დოდო გუგეშაშვილმა ჟურნალისტებს განუცხადა.

„ეს იყო კაცი, რომელიც სამშობლოს სიყვარულისთვის იყო გადადებული და კაცი, რომელიც უკიდეგანოდ განათლებული იყო. ეს იყო კაცი, რომელმაც მეგობრობის და სამხედროს ფასი იცოდა. ვინც ამ ოჯახს იცნობს, იცის, რომ ნიკა რურუა იმ ოჯახის შვილია, რომელიც მუდმივად ქართულ საქმეს აკეთებს“, - განაცხადა დოდო გუგეშაშვილმა.

ნიკა რურუა 50 წლის ასაკში გუშინ, საკუთარ სახლში გარდაიცვალა. გარდაცვალების ერთ-ერთ მიზეზად გულის შეტევა სახელდება.