ნიკა რურუას გარდაცვალების გამო, მის ოჯახს სამძიმარი გაერთიანებული ოპოზიციის წარმომადგენლებმა გამოუცხადეს. ნიკა რურუასთან სახლში სამძიმარზე იმყოფებოდნენ სხვადასხვა ოპოზიციური პოლიტიკური ძალების წარმომადგენლები.

როგორც გიორგი ვაშაძემ აღნიშნა, ნიკა რურუა დააკლდება, როგორც მის თანამებრძოლებს, ასევე ქვეყანას.

„ის იყო გამორჩეული ადამიანი, ვინც მუდმივად თავის სამშობლოზე ზრუნავდა. ჩვენ დავკარგეთ საოცარი თანამებრძოლი, რომელთან ერთადაც ყოველდღიურ რეჟიმში ვმუშაობდით“, - აღნიშნა გიორგი ვაშაძემ.

სამძიმარზე იმყოფებოდნენ ასევე „ერთიანი ნაციონალური მოძრაობის“ ლიდერი რომან გოცირიძე, ლევან ხაბეიშვილი და ირაკლი ნადირაძე.