აშშ-ს პრეზიდენტმა დონალდ ტრამპმა გადაწყვეტილება მიიღო, აშშ-ს სახელმწიფო დეპარტამენტის ოფიციალური წარმომადგენელი ჰიზერ ნაუერტი გაერო-ში აშშ-ს ელჩად დანიშნოს. ამის შესახებ ინფორმაციას საინფორმაციო სააგენტო Bloomberg ავრცელებს სამ ინფორმირებულ წყაროზე დაყრდნობით.

თავის მხრივ, ტელეარხი Fox News იუწყება, რომ აღნიშნულის შესახებ განცხადებას აშშ-ს პრეზიდენტი დღეს გააკეთებს.

დონალდ ტრამპმა ნოემბრის დასაწყისში განაცხადა, რომ წლის ბოლომდე მიიღებდა გადაწყვეტილებას გაერო-ში აშშ-ს ელჩის პოსტზე კანდიდატურის თაობაზე. აღნიშნული პოსტი ვაკანტური მას შემდეგ გახდა, რაც 9 ოქტომბერს ნიკი ჰეილიმ გადადგომის შესახებ განაცხადა. ნიკი ჰეილი თავის თანამდებობას ოფიციალურად 2019 წლის იანვარში დატოვებს.