მაია ცქიტიშვილის ინფორმაციით, თვითმმართველობების დაფინანსება 100 მლნ ლარზე მეტად იზრდება, რაც გასულ წელთან შედარებით 13%-ით მეტია

რეგიონული განვითარებისა და ინფრასტრუქტურის მინისტრის მაია ცქიტიშვილის ინფორმაციით, გათანაბრებითი ტრანსფერის ფორმულის ცვლილების შედეგად, თვითმმართველობების დაფინანსება 100 მილიონ ლარზე მეტად იზრდება, რაც გასულ წელთან შედარებით 13%-ით მეტია.

როგორც მინისტრმა პარლამენტში მიმდინარე ფორუმზე განაცხადა, ეს ფორმულა უზრუნველყოფს რეგიონებისათვის მეტ ფინანსურ რესურსზე ხელმისაწვდომობას და აღმოფხვრის ხარვეზს, როცა წარმატებული მუნიციპალიტეტი შემდგომ ზრდაზე ორიენტირებული არ იყო.

“ასევე მოხდება მუნიციპალიტეტების შემოსულობების ზრდის ხელშეწყობა და ისეთი საკანონმდებლო მექანიზმების შექმნა, რომელიც თვითმმართველობას დაეხმარება, გამოიყენოს მის ტერიტორიაზე არსებული ქონება თუ რესურსი მეტი შემოსავლის გენერირებისათვის, ასევე გაამარტივებს საერთაშორისო გრანტების მიღებას, ინტერმუნიციპალურ თანამშრომლობას და სხვა ინსტიტუციურ რეფორმებს, რაც საჭიროა მეტ ფინანსურ რესურსებზე წვდომისთვის“, - განაცხადა მაია ცქიტიშვილმა.

რეგიონული განვითარებისა და ინფრასტრუქტურის მინისტრმა დღეს ხაზგასმით აღნიშნა, რომ საქართველოს მთავრობა დეცენტრაცლიზაციის პროცესს ურყევად უჭერს მხარს და დროა, ყველას ჩართულობით, განვითარებაზე ორიენტირებული სწორი მოდელი შეიქმნას.

პარლამენტში საქართველოს სახელმწიფო და ადგილობრივი ხელისუფლების ინსტიტუციური დიალოგის გენერალური ფორუმი მიმდინარეობს.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
„გაგუას კლინიკამ“ რესპუბლიკურ საავადმყოფოს 10 ელექტროფუნქციური საწოლი საჩუქრად გადასცა
„ტერასა ჯგუფმა“ ორასამდე სოციალურად დაუცველ ოჯახს საკვები პროდუქტები გადასცა
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა