თამარ ჩუგოშვილმა ჯორჯ ბუშის გარდაცვალების გამო ამერიკელ ხალხს მიუსამძიმრა

პარლამენტის თავმჯდომარის პირველმა მოადგილემ, თამარ ჩუგოშვილმა ამერიკის შეერთებული შტატების 41-ე პრეზიდენტის, ჯორჯ ბუშის გარდაცვალების გამო ამერიკის შეერთებული შტატების საელჩოში გახსნილ სამძიმრის წიგნში ჩანაწერი გააკეთა.

პარლამენტის პრესსამსახურის ინფორმაცით, თამარ ჩუგოშვილმა ჯორჯ ბუში უფროსის გარდაცვალების გამო, პარლამენტის სახელით, ღრმა მწუხარება გამოთქვა და სამძიმარი გამოუცხადა ამერიკელ ხალხს და აშშ-ის მთავრობას.

„პარლამენტის სახელით დავაფიქსირე სამძიმრის წიგნში ჩანაწერი პრეზიდენტ ბუშის, მამა ბუშის გარდაცვალებასთან დაკავშირებით. პრეზიდენტი ბუში ამერიკის ის პრეზიდენტი იყო, რომელსაც თავისი მნიშვნელოვანი როლი ჰქონდა საქართველოს დამოუკიდებლობის აღიარებაში. ის ჩვენი ქვეყნისთვის ერთ-ერთი მნიშვნელოვანი ადამიანი იყო და შესაბამისად, ეს ჩვენგან სიმბოლური ჟესტია მის მიმართ ჩვენი პატივისცემის დაფიქსირებისთვის“,-განაცხადა პარლამენტის თავმჯდომარის პირველმა მოადგილემ, თამარ ჩუგოშვილმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში