გიორგი ქობულია ქართველ მეზღვაურებს საერთაშორისო საზღვაო ორგანიზაციის 2018 წლის ნომინაციაში „ზღვაზე გამოჩენილი განსაკუთრებული სიმამაცე“ გამარჯვებას ულოცავს

საერთაშორისო საზღვაო ორგანიზაციის 2018 წლის ნომინაციაში „ზღვაზე გამოჩენილი განსაკუთრებული სიმამაცე“ ქართველმა მეზღვაურებმა გაიმარჯვეს. კერძოდ, საქართველოში ერთ-ერთი უმსხვილესი საკრუინგო კომპანია Queensway Navigation Co. Ltd-ის კუთვნილებაში არსებული გემის MT Seapower-ის ეკიპაჟის წევრებმა, რომელთაც 2017 წლის 26 ივნისს უამინდობის გამო გასაჭირში მყოფი ტანკერ Rama 2-ის ეკიპაჟის ცამეტი წევრის სამაშველო ოპერაციებში სამაგალითო ძალისხმევა და გამბედაობა გამოავლინეს.

გემ MT Seapower-ის ეკიპაჟის 17 წევრიდან 16 საქართველოს მოქალაქეა, მათ შორის გემის კაპიტანი - ლევან მამალაძე, ერთი კი უკრაინის მოქალაქე. საერთაშორისო საზღვაო ორგანიზაციის დაჯილდოების ცერემონია 6 დეკემბერს ქ. ლონდონში, ორგანიზაციის სათავო ოფისში გაიმართა.

საქართველოს ეკონომიკისა და მდგრადი განვითარების მინისტრი გიორგი ქობულია ულოცავს ქართველ მეზღვაურებს ამ წარმატებას. „მეგობრებო, გილოცავთ ნომინაციაში „ზღვაზე გამოჩენილი განსაკუთრებული სიმამაცე“ გამარჯვებას! ეს დიდი წარმატება და ამავდროულად აღიარებაა საერთაშორისო საზღვაო საზოგადოების მხრიდან. ჩემთვის უაღრესად სასიამოვნოა ქართველი მეზღვაურების წარმატება ისეთი პრესტიჟული ორგანიზაციის კონკურსში, როგორიც საერთაშორისო საზღვაო ორგანიზაციაა. თქვენ საკუთარი გამბედაობის და სიმამაცის წყალობით 13 ადამიანის სიცოცხლე გადაარჩინეთ, ეს ყველაფერზე მნიშვნელოვანია, რაც ადამიანმა შეიძლება გააკეთოს. სწორედ თქვენნაირი ადამიანები არიან მაგალითი ახალგაზრდებისთვის - თუ რა ღირებულებებით უნდა იცხოვრონ, როგორი თავდადებით და ერთგულებით ემსახურონ საკუთარ საქმეს. ამასთან, ეს ჯილდო ქართველი მეზღვაურების მაღალი კლასისა და პროფესიონალიზმის კიდევ ერთი დადასტურება და საერთაშორისო აღიარებაა, რისთვისაც დიდ მადლობას გიხდით. წარმატებებს და მუდამ მშვიდობიან ზღვაოსნობას გისურვებთ!“, - ნათქვამია გიორგი ქობულიას წერილში.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება