საფინანსო-საბიუჯეტო კომიტეტის სტრატეგიისა და გეგმის პრეზეტაცია გაიმართა

პარლამენტის საფინანსო-საბიუჯეტო კომიტეტში კომიტეტის 2018-2020 წლების სტრატეგიისა და სამოქმედო გეგმის პრეზენტაცია გაიმართა. ღონისძიება საფინანსო-საბიუჯეტო კომიტეტის თავმჯდომარემ ირაკლი კოვზანაძემ გახსნა და აღნიშნა, რომ დოკუმენტი მოიცავს ყველა იმ მიმართულებას, რაშიც ჩართულია კომიტეტი და რაზეც მისი პასუხისმგებლობა ვრცელდება.

როგორც „ინტერპრესნიუსს“ პარლამენტიდან აცნობეს, საფინანსო-საბიუჯეტო კომიტეტის სტრატეგიისა და სამოქმედო გეგმის მიზანია, განსაზღვროს კომიტეტის სტრატეგიული მიზნები, ამოცანები და ღონისძიებები 2018-2020 წლებში ქვეყნის საბიუჯეტო პროცესის, კანონშემოქმედებითი და საზედამხედველო ფუნქციების წარმატებით განხორციელებისათვის, საზოგადოებასა და სხვა დაინტერესებულ მხარეებთან ეფექტური კომუნიკაციის უზრუნველსაყოფად.

ღონისძიების მონაწილეებს მისასალმებელი სიტყვით მიმართა პარლამენტის თავმჯდომარის მოადგილემ გიორგი ვოლსკიმ. მან აღნიშნა საფინანსო-საბიუჯეტო კომიტეტის როლი და მნიშვნელობა პარლამენტის და, ზოგადად, ქვეყნის ცხოვრებაში და კომიტეტს წარმატებები უსურვა მომავალ საქმიანობაში. გამოსვლის დასასრულს, გიორგი ვოლსკიმ მადლობა გადაუხადა ამერიკის შეერთებული შტატების განვითარების სააგენტოს როგორც ამ კონკრეტულ საქმეში დახმარებისათვის, ასევე ჩვენი ქვეყნის მუდმივად მხარდაჭერისა და თანადგომისათვის.

შეკრებილთ ასევე მიმართა USAID-ის მისიის დირექტორის მოვალეობის შემსრულებელმა საქართველოში ადამ შმიდტმა. მისი განცხადებით, ქვეყნის ახალი პრეზიდენტის ინაუგურაციის შემდეგ, ქვეყანა ახალი რეალობის წინაშე აღმოჩნდება, როდესაც პარლამენტს განსაკუთრებული როლი დაეკისრება და მისი ფუნქციაც უფრო მნიშვნელოვან როლს შეიძენს.

მისივე თქმით, აღსანიშნავია, რომ პარლამენტის ხელმძღვანელობა ამ მიმართულებით, რეალობის შესაბამისად, სწორ ნაბიჯებს დგამს და შესაბამისად, კომიტეტის სტრატეგია და გეგმა განსაკუთრებით მნიშვნელოვანია პარლამენტის შემდგომი ეფექტური ფუნქციონირებისათვის.

ადამ შმიდტმა იმედი გამოთქვა, რომ კომიტეტი თავის როლსა და ზედამხედველობის მექანიზმებს საუკეთესო ფუნქციას მოუძებნის, ითანამშრომლებს სახელმწიფო აუდიტთან და სწორად გამოიყენებს მის რესურსებს, ითანამშრომლებს ასევე სხვა სახელმწიფო სტრუქტურებთან. „იმედია, რომ კომიტეტის სტრატეგია და გეგმა იქნება სამაგალითო და სახელმძღვანელო მათთვის, ვისაც კომიტეტის საქმიანობაში სურს ჩართვა და ის ყველასთვის მნიშვნელოვანი დოკუმენტი იქნება“, - განაცხადა USAID-ის წარმომადგენელმა. ადამ შმიდტის თქმით, USAID წლებია მხარს უჭერს პარლამენტს კანონშემოქმედებითი და საზედამხედველო ფუნქციების განხორციელებაში სხვადასხვა პროგრამების და, მათ შორის, GGI-ის ფარგლებში. თვითუზრუნველყოფის გზაზე მყოფი ქვეყნისთვის ძლიერი სამთავრობო ინსტიტუციები გადამწყვეტია და USAID მომავალშიც გააგრძელებს საქართველოს მთავრობის და, განსაკუთრებით კი, პარლამენტისადმი მხარდაჭერას მათი გაძლიერების მიზნით.

დასასრულ, ირაკლი კოვზანაძემ მადლობა გადაუხადა ყველა ორგანიზაციასა და კერძო პირს, ვინც მონაწილეობა მიიღო დოკუმენტის შექმნაში და განაცხადა, რომ იგი კომიტეტისთვის უმნიშვნელოვანეს სახელმძღვანელო დოკუმენტად იქცევა.

დოკუმენტი მომზადებულია ამერიკის შეერთებული შტატების სააგენტოს (USAID) „დემოკრატიული მმართველობის ინიციატივა (GGI) საქართველოში“ პროექტის ფარგლებში.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება