ამერიკის პრეზიდენტმა ქვეყნის გენერალური პროკურორისა და იუსტიციის დეპარტამენტის ხელმძღვანელის თანამდებობაზე არჩევანი უილიამ ბარზე შეაჩერა. ამის შესახებ დონალდ ტრამპმა დღეს განაცხადა და აღნიშნა, რომ ის მისი პირველი არჩევანი იყო პირველივე დღიდან და მის კანდიდატურას წარადგენს.
68 წლის ბარი ამავე თანამდებობას 1991-93 წლებში, ჯორჯ ბუში უფროსის პრეზიდენტობის პერიოდშიც იკავებდა. უილიამ ბარის ამ თანამდებაზე დამტკიცებას ამერიკის სენატის მხარდაჭერა ესაჭიროება. ამერიკული მედია ვარაუდობს, რომ ბარის დამტკიცების დროს მოუწევს პასუხები გასცეს კითხვებს, იქნება თუ არა იუსტიციის დეპარტამენტი თეთრი სახლისგან პოლიტიკურად დამოუკიდებელი, ასევე ამერიკის საპრეზიდენტო არჩევნებში რუსეთის შესაძლო ჩარევის საკითხზე.
ამერიკის ყოფილი გენერალური პროკურორი ჯეფ სეშნსი თანამდებობიდან ნოემბერში გადადგა.