გიგლა ბარამიძე - ხელისუფლება, რომელიც მორჩილად ეგუება აფხაზეთში სირიელების დასახლების პროცესს, სამარცხვინოა და უნდა წავიდეს

„დემოკრატიული მოძრაობის“ პარტიის წევრები, იუსტიციის სახლთან არსებულ აქციას უერთდებიან და საკონსტიტუციო სასამართლოს იმ გადაწყვეტილებას აპროტესტებს, რომელმაც სასოფლო-სამეურნეო დანიშნულების მიწების უცხოელებზე გასხვისებასთან დაკავშირებული მორატორიუმი არაკონსტიტუციურად სცნო.

„დემოკრატიული მოძრაობის“ ერთ-ერთი ლიდერი გიგლა ბარამიძე აცხადებს, რომ „ქართულმა ოცნებამ“ არჩევნების დასრულებისთანავე მიწების უცხოელებზე გაყიდვას ისევ მწვანე შუქი აუნთო.

„პირად კომფორტს , კეთილდღეობას და გამდიდრებას გადაყოლილი „ქართული ოცნების“ ხელისუფლება და მისი საკონსტიტუციო სასამართლო მორიგ ვირეშმაკობას ჩადის. დასრულდა არჩევნები და კონსტიტუციის ახალი რედაქციის ამოქმედებამდე , საკონსტიტუციო სასამართლომ ქართული მიწების უცხოელებზე გასხვისებას ისევ აუნთო მწვანე შუქი! ხელისუფლება , რომელიც მზადაა ბიუჯეტის " შევსების" მიზნით ჯერ ნარკოტიკები ( მსუბუქი) დააკანონოს , შემდეგ კი ერის საგანძური, მიწები მიყიდოს სხვა ქვეყნის მოქალაქეებს, სამარცხვინოა. ხელისუფლება, რომელსაც არც კი ახსენდება ტერიტორიული მთლიანობის აღდგენა და მორჩილად ეგუება აფხაზეთში სირიელების დასახლების პროცესს, სამარცხვინოა და უნდა წავიდეს. „დემოკრატიული მოძრაობა“ მოუწოდებს ქართულ საზოგადოებას-ეროვნულ ძალებს გაერთიანებისკენ. წინ აღვუდგეთ ყოველგვარ ანტიეროვნულ, არასახელმწიფოებრივ ქმედებებს“,- განაცხადა გიგლა ბარამიძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ