ნუკრი ქანთარია - პური ზოგან გაძვირდა, ზოგან - არა - თავისუფალი ბაზრის პირობებში ეს მეტ-ნაკლებად მოსალოდნელია

„პური ზოგან გაძვირდა, ზოგან - არა. თავისუფალი ბაზრის პირობებში ეს მეტ-ნაკლებად მოსალოდნელია ხოლმე,“ - ამის შესახებ საპარლამენტო უმრავლესობის წევრმა ნუკრი ქანთარიამ „პალიტრანიუსის“ გადაცემაში „360 გრადუსი“ პურის ფასის ზრდასთან დაკავშირებით განაცხადა. მისი თქმით, პურზე ფასი ამაზე მეტად არ აიწევს.

„პური ზოგან გაძვირდა, ზოგან - არა. ფასი ყველგან ერთიანი არ არის. შემდგომში, შესაძლოა, რომ ისევ დაიწიოს. ყოველ შემთხვევაში ფასი ამაზე მეტი არ იქნება. თავისუფალი ბაზრის პირობებში ეს მეტ-ნაკლებად მოსალოდნელია ხოლმე. მხოლოდ დიქტატორულ, ტირანიის ქვეყანაში შეიძლება დაიბარო მინისტრები და უთხრა - ადექი, რაც გინდა გააკეთე, თუ არადა მოგაჭრი თავს. დარბის მერე მინისტრი, ის სხვას აჭრის თავს და პურის ფასი არ იცვლება. მგონი ეს სიტუაცია არ გვაქვს ჩვენ და კარგია, რომ არ გვაქვს. არც ის არის სამართლიანი, რომ წონაში მოატყუო ვინმე და ვითომ ფასი შენარჩუნდა. რადგან თქვა პრემიერმა, პურზე ფასის მომატების მიზეზს, ალბათ, გამოიძიებენ. ვფიქრობ, ეს დროებითი ამბავია,“ - განაცხადა ნუკრი ქანთარიამ.

იხილეთ ვიდეო: "პური ზოგან გაძვირდა, ზოგან არა - თავისუფალი ბაზრის პირობებში ეს მეტ-ნაკლებად მოსალოდნელია" - ნუკრი ქანთარია

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით