აღმოსავლეთ პარტნიორობის წევრი ქვეყნების სამოქალაქო საზოგადოება საქართველოში, უკრაინასა და მოლდოვაში შექმნილ ვითარებაზე  რეზოლუციას მიიღებს

აღმოსავლეთ პარტნიორობის წევრი ქვეყნების სამოქალაქო საზოგადოება საქართველოში, უკრაინასა და მოლდოვაში შექმნილ ვითარებასთან დაკავშირებით ერთობლივ რეზოლუციას მიიღებს, - ამის შესახებ აღმოსავლეთ პარტნიორობის სამოქალაქო საზოგადოების ფორუმის საორგანიზაციო კომიტეტის წევრმა ლაშა ტუღუშმა აღმოსავლეთ პარტნიორობის სამოქალაქო საზოგადოების ფორუმის ყოველწლიურ, რიგით მე-10 შეხვედრის დაწყებამდე განაცხადა.

ფორუმი სამდღიანია და ეძღვნება აღმოსავლეთ პარტნიორობის ქვეყნებში არსებულ მდგომარეობას.

„ძალიან ბევრი სტუმარია ჩამოსული აღმოსავლეთ პარტნიორობის ქვეყნებიდან. ისინი იმსჯელებენ იმ პრობლემებზე, რაც მათ ქვეყნებში არის. მივიღებთ სამ რეზოლუციას, ერთ-ერთი ეხება უკრაინასა და საქართველოში არსებულ აგრესიას. ძალიან მკვეთრი და მწვავე რეზოლუცია არის. ჩვენ ძალიან ბევრი სტუმარი გვყავს, მათ შორის არიან ოფიციალური წარმომადგენლებიც. აქ მთავარია ევროპული კონტექსტი, რადგან ქვეყნები ცდილობენ ინტეგრაციაში წვლილი შეიტანონ და ამ ქვეყნებში სამოქალაქო საზოგადოება არის ძალიან აქტიური. ჩვენი მიზანი არის ევროკავშირის წევრობა და სამოქალაქო საზოგადოება ამ ქვეყნებში ამას აცნობიერებს, შესაბამისად, ამ პროცესში მათი წვლილი ძალიან დიდია. ასევე მივიღებთ ორ რეზოლუციას, მათგან ერთი ეხება მოლდოვაში შექმნილ ვითარებას. ასევე მნიშვნელოვანი ნაწილია დამოუკიდებლობის 100 წლის იუბილე. მოგეხსენებათ, აღმოსავლეთ პარტნიორობის ხუთმა ქვეყანამ 100 წლის წინ გამოაცხადა დამოუკიდებლობა“, - განაცხადა ლაშა ტუღუშმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში