პაატა ბურჭულაძის ადვოკატი - იმედი გვაქვს, რომ სასამართლოს მიერ კობა დავითაშვილს ცილისმწამებლური განცხადებების უარყოფა დაეკისრება

თბილისის საქალაქო სასამართლოში კობა დავითაშვილის განცხადებებთან დაკავშირებით პაატა ბურჭულაძის სარჩელის განხილვა გაიმართება.

პაატა ბურჭულაძის ადვოკატის მარიამ ჩიქოვანის განცხადებით, მომღერლის წინააღმდეგ მეორე წელია მიმდინარეობს წინასწარ დაგეგმილი და ორგანიზებული დისკრედიტაციის კამპანია. კერძოდ, მისი თქმით, კობა დავითაშვილმა "ტვ პირველის" ეთერით, გადაცემაში „რეაქცია“ საჯაროდ დასდო ბრალი პაატა ბურჭულაძეს ფონდ „იავნანაში“ მზრუნველობამოკლებული ბავშვებისთვის საქველმოქედო მიზნებით შემოსული თანხების მოპარვაში.

„იმედი გვაქვს, რომ სასამართლო სამართლიან გადაწყვეტილებას გამოიტანს და კობა დავითაშვილს დაეკისრება ცილისმწამებლური განცხადებების უარყოფა, რადგან საქართველოს კონსტიტუციის მიხედვით, ადამიანის პატივი და ღირსება ხელშეუხებელია. სწორედ ერთი ადამიანის ღირსების დასაცავად, შესაძლებელია, შეიზღუდოს მეორე ადამიანის გამოხატვის უფლება. მიუხედავად იმისა, რომ საჯარო პირებთან მიმართებაში ე.წ. „დასაშვები კრიტიკის“ ფარგლები ფართოა, ის არ შეიძლება გადავიდეს მეორე ადამიანის პატივისა და ღირსების ხელყოფაში. სამართლებრივ სახელმწიფოში დაუშვებელია ავრცელებდე ცილისმწამებლურ განცხადებებს და მტკიცებით ფორმაში საუბრობდე, რომ ადამიანი დამნაშავეა და შეგნებულად არღვევდე უდანაშაულობის პრეზუმფციას. საქართველოს კანონმდებლობის შესაბამისად, ცილისწამებას შესაბამისი სამოქალაქო-სამართლებრივი პასუხისმგებლობა მოჰყვება“ , - განაცხადა მარიამ ჩიქოვანმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)