თელავში პრეზიდენტის ინაუგურაციისთვის მზადება გრძელდება
თელავში, ერეკლე მეფის სასახლის ტერიტორიაზე არჩეული პრეზიდენტის ინაუგურაციისთვის მზადება აქტიურად მიმდინარეობს. გვიან ღამემდე გრძელდებოდა სცენისა და ტრიბუნების მონტაჟი. დღეს დილიდან, ბატონის ციხის შიდა და გარე პერიმეტრზე სამუშაოები განახლდა.
მოსამზადებელ სამუშაოებში ჩართულია,მუნიციპალიტეტის მერია, საგზაო სამმართველო და „ენერგო-პრო ჯორჯია“.
„საგზაო სამმართველო აქტიურად არის ჩართული. ამ ეტაპზე ბატონის ციხე-გალავნის შესასვლელში დაზიანებული ასფალტის აღდგენა ხდება. ყველაფერს ვაკეთებთ, რომ სტუმრებს შესაბამისად დავხვდეთ", - განაცხადა თელავის საგზაო სამმართველოს უფროსმა თამაზ აბდულაშვილმა.
