გარემოს დაცვის და სოფლის მეურნეობის სამინისტრო 2019 წელს მთის რეგიონებში ახალი პროექტების განხორციელებას იწყებს

გარემოს დაცვის და სოფლის მეურნეობის სამინისტრო 2019 წელს მთის რეგიონებში ახალი პროექტების განხორციელებას იწყებს.როგორც სოფლის მეურნეობის მინისტრმა ლევან დავითაშვილმა ჟურნალისტებს მთის საერთაშორისო დღის აღსანიშნავი ღონისძიების დასრულების შემდეგ განუცხადა, საქართველოს აქვს მესაქონლეობის განვითარების პერსპექტივები, ასევე შეუძლია აწამოოს მაღალი ხარისხის პროდუქცია, რომლის წარმოებაც მთაში გაცილებით მარტივია.

„მთიანი რეგიონების განვითარებისთვის მნიშვნელოვანია იმ ეკონომიკური საქმიანობის განვითარება,რაც დიდწილად უკავშირდება სოფლის მეურნეობის განვითარებას. ძირითადად, ჩვენ გვაქვს მესაქონლეობის განვითარების შესაძლებლობები და პერსპექტივები. ასევე განსაკუთრებით მაღალი ხარისხის პროდუქტის წარმოება, ეს არის ეკოპროდუქტები, ორგანული მაღალი ხარისხის პროდუქტები, რომელიც მთაში შეიძლება უფრო ადვილად იწარმოებოდეს. სპეციალური ხარისხის ნიშნებით, სპეციალური მექანიზმებით ჩვენ ვეცდებით ასეთი პროდუქტების წახალისებას. ასევე, მთიან რეგიონებში ხშირად შეზღუდულია სასოფლო-სამეურნეო მიწებზე წვდომა, მაგრამ გვაქვს ისეთი ეკოლოგიური რესურსები, რაც მოგვცემს ეკოტურიზმის განვითარების საშუალებას. ასევე გვაქვს დაცული ტერიტორიები, სადაც ვავითარებთ ადმინისტრაციებს, რათა გავაჩინოთ ტურისტული მომსახურების საშუალებები. გვექნება საგრანტო პროექტები, როგორც ტყის არამერქნული გადამუშვების კუთხით, ასევე ტყის მერქნული ნაწილის, ხის მასალის გამოყენების და სპეციალური ნაკეთობების წარმოების, ასევე სასტუმრო სახლების და ტურისტული მომსახურების გაჩენის კუთხით",- განაცხადა დავითაშვილმა.

მისივე თქმით, მომავალი წლიდან რეგიონების განვითარებისთვის დაფინანსებაც გაიზრდება.

„ჩვენ კიდევ უფრო ვზრდით დაფინანსებას მომავალი წლისთვის. დარწმუნებული ვართ, რომ უფრო მეტი მიმართულება უნდა დაფინანსდეს, მაგრამ ეს უნდა იყოს კარგად დაგეგმილი, რომ ეფექტი იყოს შესაბამისი და ხარჯვის პროცესი იყოს მაქსიმალურად გამჭვირვალე, სწორი და კანონმდებლობის შესაბამისი. სწორედ ამისთვის არის საჭირო, მომზადებული იყოს თითოეული სამინისტრო, რომელიც ამ ფონდების გახარჯვაში მონაწილეობს. ჩემი სამინისტროს ნაწილში გეტყვით, რომ რა ინიციატივებიც დავასახელეთ, ამ მიმართულებებში მზად ვიქნებით. ამაზე 2019 წელს ვისაუბრებთ და პრეზენტაციებიც გვექნება. ეს იქნება სრულიად ახალი ინიციატივები, რაც მთის რეგიონებს განვითარებაში დაეხმარება",- განაცხადა დავითაშვილმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა