სოფიო ქაცარავა - ეს არის კარგი შესაძლებლობა სტუდენტებმა მიიღონ მონაწილეობა მსგავს კონკურსებში და გაგვიზიარონ საკუთარი ხედვა მთავარი საგარეო პოლიტიკური პრიორიტეტების შესახებ

ბულგარეთის საელჩოს, როგორც ნატო-ს საკონტაქტო საელჩოს, ინიციტივით გამოცხადებული ესეების კონკურსის თემაზე „ნატო-საქართველო, არსებული გამოწვევები და 2018 წლის ბრიუსელის სამიტი“ გამარჯვებულები დღეს გამოვლინდნენ.

პარლამენტის ინფორმაციით, საგარეო ურთიერთობათა კომიტეტის თავმჯდომარე, სოფიო ქაცარავა ჩართული იყო კონკურსის მიმდინარეობის პროცესში და გამარჯვებული ესეების ავტორების გამოვლენაში.

სოფიო ქაცარავამ მადლობა გადაუხადა საქართველოში ბულგარეთის საგანგებო და სრულუფლებიან ელჩთან დესისლავა ივანოვას და მის გუნდს კონკურსისთვის, რომელიც უკვე მეორედ ჩატარდა.

„ძალიან კარგი შესაძლებლობაა სტუდენტებმა მიიღონ მონაწილეობა მსგავს კონკურსში და იმსჯელონ ქვეყნის მთავარი საგარეო პოლიტიკური პრიორიტეტების შესახებ, გაგვიზიარონ საკუთარი ხედვა და იგრძნონ თავი პოლიტიკური პროცესების განუყოფელ ნაწილად. მოხარული ვარ რომ ესეების კონკურსი იყო ნატოს შესახებ. მნიშვნელოვანია ახალგაზრდების წახალისება და მოტივირება ამ მიმართულებით.

მე ხშირი კომუნიკაცია მაქვს სტუდენტებთან, ძალიან მნიშვნელოვანია მათი ჩართულობა მსგავს ღონისძიებებში და კონკურსებში, რადგან სწორედ ისინი არიან ქვეყნის მომავალი, რომელთაც მნიშვნელოვანი წვლილი უნდა შეიტანონ ქვეყნის განვითარებაში. ვაფასებ საელჩოს ძალისხმევას ამ პროცესში, როგორც ნატო-ს საკონტაქტო საელჩოს საქართველოში და მიმაჩნია, რომ ეს არის ყურადსაღები საქმე. ძალიან დიდი სიამოვნება მივიღე ესეების წაკითხვის დროს და მივხვდი, თუ რა დამოკიდებულებებია ახალგაზრდების მხრიდან ასეთი მნიშვნელოვანი საკითხების მიმართ, როგორ უდგებიან და აფასებენ პროცესებს“,- აღნიშნა სოფიო ქაცარავამ.

სოფიო ქაცარავამ მადლობა გადაუხადა კონკურსის ორგანიზატორებს და მონაწილეებს და მათ წარმატება უსურვა ყველა დასახული მიზნის მიღწევაში.

ესეების კონკურსის შედეგად კი გაიმარჯვა ირაკლი გაბიძაშვილმა, რომელიც სასწავლო ტურით სოფიაში გაემგზავრა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ