აშშ-ის პრეზიდენტი დონალდ ტრამპი აცხადებს, რომ თეთრი სახლის ადმინისტრაციის უფროსის პოსტზე 10-12 კანდიდატი ჰყავს. ამის შესახებ ტრამპმა „როიტერსთან“ ექსკლუზიურ ინტერვიუში განაცხადა. თეთრი სახლის ადმინისტრაციის პოსტს ამჟამად ჯონ კელი იკავებს, რომელიც ახალი წლიდან თანამდებობის დატოვებას გეგმავს.
ტრამპის თქმით, მან რაც შეიძლება სწრაფად უნდა იპოვოს კელის შემცვლელი.
„უამრავი კანდიდატი მყავს, თუმცა, ყველასთან გასაუბრებას ვერ შევძლებ“, - აღნიშნა ტრამპმა და დაამატა, რომ შერჩეულ კანდიდატი უნდა იყოს ისეთი, რომელსაც იგი კარგად შეეწყობა.