პარლამენტის პლენარულ სესიაზე დეპუტატებს შორის მომხდარი სიტყვიერი დაპირისპირება პარლამენტის სხდომათა დარბაზის მიღმაც გაგრძელდა. მანდატურის სამსახურის თანამშრომლებმა დეპუტატი ნიკა მელია სხდომათა დარბაზიდან გაიყვანეს, რასაც მისი მხრიდან უკმაყოფილება მოჰყვა.
„ისედაც ხომ სრულ უმრავლესობაში არიან, მთელი მანდატურის სამსახურიც, პრაქტიკულად, სამწუხაროდ, „ქართული ოცნების“ დეპუტაციის რიგებში შედიან. თქვენ ყველამ დაინახეთ, როგორ იქცევა „ქართული ოცნება“, იგივე „პატრიოტთა ალიანსი“. ვინ არიან ესენი, თუ არა კრიმინალები? როდესაც კონკრეტულ დანაშაულებებზე ვსაუბრობ, როდესაც კონკრეტულ ძალადობაზე ვსაუბრობ, დაჭრეს შტაბის ხელმძღვანელი რაჭაში, უმოწყალოდ სცემეს ახალქალაქში, რეპრესიების შედეგად სიკვდილამდე მიიყვანეს პედაგოგი ზუგდიდში და ეს არის რაც ვიცით, რაც ფატალური შედეგით დასრულდა. ასობით ასეთი შემთხვევაა და როდესაც ამაზე საუბრობ და პასუხს სთხოვ, აი, ასეთია რეაქცია. შეხედეთ, მანდატურის სამსახური არის „ქართული ოცნების“ რიგებში. ყველაფერთან ერთად ესენი არიან წარმოუდგენელი ლაჩრები, უკნიდან რომ მოგეპარებიან. ზაზა პაპუაშვილზე ვსაუბრობ, ერთი ხელწერა აქვთ“, - განაცხადა მელიამ.