გიგა ბოკერია მმართველ გუნდს - თუ არ გინდათ, რომ 2020 წელს სწორედ ისეთმა ხალხმა არ მოგიგოთ არჩევნები, ვისიც გეშინიათ, დროზე გამოიბერტყეთ პოლიტიკურად ყური
თუ არ გინდათ, რომ 2020 წელს სწორედ ისეთმა ხალხმა არ მოგიგოთ არჩევნები, ვისიც ყველაზე მეტად გეშინიათ თქვენ, დროზე გამოიბერტყეთ პოლიტიკურად ყური და პროპორციულ საარჩევნო სისტემაზე გადავიდეთ, - ამის შესახებ „ევროპული საქართველოს“ წევრმა გიგა ბოკერიამ პარლამენტის პლენარულ სხდომაზე განაცხადა.
ბოკერიამ მმართველ გუნდს სომხეთის მაგალითის გათვალისწინება ურჩია.
„მინდა შეხედოთ ჩვენი მეზობელი სომხეთის მაგალითს, სადაც დომინანტური იყო რესპუბლიკური პარტია. წლების განმავლობაში ჩვენთვის ნაცნობი მეთოდებით იყო ხელისუფლებაში. ახლა იქ არჩევნები ჩატარდა და პარლამენტში ბარიერი ვერ გადალახეს. რატომ იცით? ვითარება იქამდე მიიყვანეს, რომ უკვე მათი მხრიდან რეფორმებსაც კი არ ჰქონდა აზრი. ამიტომ მინდა მოგიწოდოთ, ახლა მაინც თუ არ გინდათ, რომ 2020 წელს სწორედ ისეთმა ხალხმა არ მოგიგოთ არჩევნები, ვისიც ყველაზე მეტად გეშინიათ თქვენ, დროზე გამოიბერტყეთ პოლიტიკურად ყური და პროპორციულ საარჩევნო სისტემაზე გადავიდეთ,“- განაცხადა გიგა ბოკერიამ.
