დაგროვებით  საპენსიო სისტემაში ჩართულ პირებს თავიანთი ფინანსური ანგარიშის შემოწმების საშუალება ყოველდღიურად, სააგენტოს ვებგვერდზე შეეძლებათ

საპენსიო სააგენტოს დირექტორის ლევან სურგულაძის განცხადებით, საპენსიო სისტემაში ჩართულ პირებს თავიანთი ფინანსური ანგარიშის შემოწმების საშუალება ყოველდღიურად, სააგენტოს ვებგვერდზე ექნებათ. როგორც ლევან სურგულაძემ განაცხადა, სისტემაში ჩართულ პირს ასევე საშუალება მიეცემა, ვებგვერდზე შეამოწმოს, მისი თანხა რა აქტივებშია განთავსებული და როგორია აღნიშნული აქტივების ფასი.

„მას შემდეგ, როცა მოქალაქე საპენსიო ასაკს მიაღწევს, მას უკვე ყოველთვიურად, თანხის მიღების შესაძლებლობა ექნება. კანონი ითვალისწინებს გატანის სხვა წესებსაც: თუ პირს შეზღუდული შესაძლებლობების მქონეს სტატუსი დაუდგინდა ან თუ საქართველო დატოვა და საცხოვრებლად სხვა ქვეყანაში გადავიდა, მას შეუძლია, ეს თანხა მთლიანად გაიტანოს. გარდა ამისა, თუ კუთვნილი თანხის სრულად გატანა ვერ შეძლო და გარდაიცვალა, ის მემკვიდრეობით გადადის. ეს თანხა არის მოქალაქის უპირობო და ხელშეუხებელი საკუთრება, რომელსაც არ ეხება არც ყადაღა და არც არანაირი ფინანსური ვალდებულება”,- აღნიშნა ლევან სურგულაძემ.

ცნობისთვის, 2019 წლის 1-ელი იანვრიდან საქართველოში დაგროვებითი საპენსიო რეფორმის ამოქმედება იგეგმება.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის