ბელგიაში, ფლანდრიის რეგიონულმა პარლამენტმა კანონი მიიღო, რომლის თანახმად, მანქანაში 16 წლამდე ბავშვის თანდასწრებით სიგარეტის მოწევა 1000 ევროს ოდენობის ჯარიმით დაისჯება.

როგორც ბელგიური მედია იუწყება, აღნიშნული კანონი პარტია „ფლამანდელმა ქრისტიან-დემოკრატებმა“ მოამზადეს. პარტიაში იმედოვნებენ, რომ ანალოგიური კანონმდებლობა ქვეყნის დანარჩენ ორ რეგიონში, ვალონიაში და ბრიუსელის რეგიონში იქნება მიღებული.

აღსანიშნავია, რომ ჯარიმა ასევე გავრცელდება 16 წლამდე ბავშვების თანდასწრებით მანქანაში ელექტრონული სიგარეტის მოწევის შემთხვევაზეც.