საქართველოს პრეზიდენტი გიორგი მარგველაშვილი თელავში, ახლად არჩეული პრეზიდენტის სალომე ზურაბიშვილის ინაუგურაციას დაესწრება. პრეზიდენტი აცხადებს, რომ ამ მიმართულებით, პროტოკოლებს შორის ყველაფერი გარკვეულია.

„რა თქმა უნდა, ინაუგურაციაზე მივდივარ. ახლად არჩეული პრეზიდენტი მოვიპატიჟე პრეზიდენტის სასახლეში უფლებამოსილების გადაბარების ფარგლებში. იმედი მაქვს, ამ ცივილიზებულ პროცესს, რაც ეხება უფლებამოსილების გადაბარებას, წარმატებულად დავასრულებთ 16 დეკემბერს“, - აღნიშნა პრეზიდენტმა გიორგი მარგველაშვილმა.