საქართველოს პრეზიდენტი გიორგი მარგველაშვილი მიიჩნევს, რომ საპრეზიდენტო არჩევნები ცუდად ჩატარდა. როგორც მარგველაშვილმა სტუდენტებთან შეხვედრაზე განაცხადა, ამ არჩევნებზე წარმოჩინდა ყველა ის უარყოფითი გამოცდილება, რომელიც თაობების განმავლობაში საქართველოში ხორციელდებოდა.
„არჩევნები ჩატარდა ცუდად. არჩევნები ჩატარდა მეთოდური და სერიოზული დარღვევებით. ამ დარღვევების მენიუსა და სპექტრში ჩვენ გვაქვს ყველა ის უარყოფითი გამოცდილება, რომელიც თაობების განმავლობაში საქართველოში ხორციელდებოდა. სრული კრებული არჩევნების დარღევების შეგიძლია ამ ერთ არჩევნებში ნახო. ეს არის ფაქტი. ამავე დროს, ლეგიტიმაციასთან დაკავშირებით ფაქტობრივად კითხვები არ ისმება. კითხვა ისმება იმასთან დაკავშირებით თუ როგორ გავაგრძელებთ ცხოვრებას“, - განაცხადა მარგველაშვილმა.