ავსტრალიის პრემიერ-მინისტრმა სკოტ მორისონმა განაცხადა, რომ ავსტრალია დასავლეთ იერუსალიმს ისრაელის დედაქალაქად აღიარებს.

„ავსტრალია დასავლეთ იერუსალიმს, სადაც განლაგებულია ისრაელის პარლამენტი და სხვა სამთავრობო დაწესებულებები, ისრაელის დედაქალაად აღიარებს. ჩვენს საელჩოს დასავლეთ იერუსალიმში მაშინ გადავიტანთ, როდესაც ეს მიზანშეწონილი იქნება და ქალაქის საბოლოო სტატუსი განისაზღვრება“, - განაცხადა ავსტრალიის პრემიერ-მინისტრმა.

მისივე თქმით, ამ ეტაპზე ავსტრალიის მთავრობა დასავლეთ იერუსალიმში თავდაცვით და სავაჭრო წარმომადგენლობებს გახსნის.

„ჩვენ კიდევ ერთხელ ვაცხადებთ, რომ მხარს ვუჭერთ ორი სახელმწიფოს გადაწყვეტილებას და ვაღიარებთ პალესტინელი ხალხის მისწრაფებებს მომავალი სახელმწიფოს შექმნისკენ, რომლის დედაქალაქი აღმოსავლეთ იერუსალიმი იქნება“, - დასძინა მან.

იხილეტ ვიდეო: ავსტრალიამ იერუსალიმი ისრაელის დედაქალაქად ცნო