ჩვენ მოვახერხებთ და საქართველო მოახერხებს, რომ ღირსეულად ჩატარდეს პირველი ქალი პრეზიდენტის ინაუგურაცია, - ამის შესახებ პარლამენტის განათლების და მეცნიერების კომიტეტის თავმჯდომარემ, მარიამ ჯაშმა განაცხადა.

დეპუტატი გამოეხმაურა ხვალ, თელავში ინაუგურაციის პარალელურად ოპოზიციის მიერ დაგეგმილ საპროტესტო აქციას.

"ჩვენ უნდა დაველოდოთ ხვალინდელი დღის მიმდინარეობას. მე იმედი მაქვს, რომ საქართველო მოახერხებს, რომ ღირსეულად ჩატარდეს პირველი ქალბატონი პრეზიდენტის ინაუგურაცია", - განაცხადა ჯაშმა.

ახლად არჩეული პრეზიდენტის სალომე ზურაბიშვილის ინაუგურაცია ერეკლე მეფის სასახლეში 16 დეკემბერს, 15 :00 საათზე დაიწყება და 40 წუთი გაგრძელდება.