სერგი კაპანაძე - ქვეყანა ოკუპირებულია და ამ დროს ინსტრუმენტი, რომელიც შეიძლება ამას უპირისპირდებოდეს, არ მოქმედებს

ქვეყანა არის ოკუპირებული და ამ დროს ინსტრუმენტი, რომელიც შეიძლება ამას უპირისპირდებოდეს, არ მოქმედებს, - ამის შესახებ "ევროპული საქართველოს" წევრმა, სერგი კაპანაძემ უსაფრთხოების საბჭოს შექმნის კომენტირებისას განაცხადა.

"ჩვენ გვაქვს ძალიან სამწუხარო ვითარება, როცა ქვეყანაში უშიშროების საბჭო არ გვაქვს. კანონი შემოვიდა პარლამენტში და განხილვა იქნება რამდენიმე თვის განმავლობაში. ეს არის "ქართული ოცნების" ხელისუფლების დამსახურება, რომ მათ ისე მოახერხეს, რომ შეიქმნა ვაკუუმი. ეს არის ძალიან ცუდი, რადგან ქვეყანა არის ოკუპირებული და ამ დროს ინსტრუმენტი, რომელიც შეიძლება ამას უპირისპირდებოდეს, არ მოქმედებს. ბუნებრივია, მნიშვნელოვანი იქნება, რომ ეს ორგანიზაცია რაღაცა ფორმით მაინც შენარჩუნდეს და ის ინსტიტუციური მმართველობა, რომელიც დაგროვდა, არ დაიკარგოს და არ იყოს მორგებული კონკრეტული ადამიანის და პოლიტიკური გუნდის ინტერესებს. რადგან ეს არის ქვეყნისთვის მნიშვნელოვანი ორგანო, რომელიც მიუხედავად იმისა, ვინ არის ხელისუფლებაში, მაინც უნდა იყენებდეს მას ეროვნული ინტერესებისთვის", - განაცხადა სერგი კაპანაძემ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში