დავით კირკიტაძე დაკავებისას - საქართველოში მყარდება დიქტატურა, რუსული დიქტატურა - იბრძოლეთ ბოლომდე

საქართველოში მყარდება დიქტატურა, რუსული დიქტატურა - იბრძოლეთ ბოლომდე, - ამის შესახებ დაკავების პროცესში გაერთიანებული ოპოზიციის ერთ-ერთმა ლიდერმა დავით კირკიტაძემ განაცხადა.

„ეს არის სახედაკარგული, შეშინებული პოლიცია“, - განაცხადა დავით კირკიტაძემ დაკავებისას.

დავით კირკიტაძე გურჯაანში დააკავეს. იგი მის თანაგუნდელ ნიკა მელიასთან ერთად იმყოფებოდა. მელია და კირკიტაძე ერთი ავტომობილით გადაადგილდებოდნენ, რა დროსაც მათი თქმით, შეამჩნიეს ერთი ავტომობილი, რომელშიც სუს-ის წევრები ისხდნენ და უთვალთვალებდნენ. ამის შემდეგ, მელია დაინტერესდა მათი ვინაობით, რა დროსაც ადგილზე პოლიცია მივიდა და კირკიტაძე სს კოდექსის 353-ე მუხლით დააკავეს, რაც პოლიციისთვის წინააღმდეგობის გაწევას გულისხმობს.

საპატრულო პოლიციის თანამშრომლებმა განაცხადეს, რომ მათი ადგილზე მისვლა საავტომობილო მოძრაობის შეფერხებამ გამოიწვია.

იხილეთ ვიდეო: დავით კირკიტაძის პირველი კომენტარი დაკავების მომენტში