საფრანგეთის პოლიციის პროფკავშირი სამართალდამცველებს მოუწოდებს, ეროვნული პოლიციის ბიუჯეტის შემცირების პროტესტის ნიშნად, პოლიციის განყოფილებებში დარჩნენ და მხოლოდ საგანგებო სიტუაციებზე მოახდინონ რეაგირება. ამის შესახებ ინფორმაციას საინფორმაციო სააგენტო „ფრანს პრესი“ ავრცელებს.
პროფკავშირების განცხადებით, ამ კვირას საფრანგეთის პოლიცია ეროვნული პოლიციის ბიუჯეტის 62 მილიონი ევროთი შემცირებას დაამტკიცებს. პოლიციის პროფკავშირებში აღნიშნავენ, რომ ეს ზომა გააუარესებს ფრანგი პოლიციელების შრომის პირობებს.
პოლიციის პროფკავშირებში აცხადებენ, საფრანგეთის პარლამენტმა არ უნდა დაამტკიცოს 2019 წლის ეს ბიუჯეტი, სხვაგვარად კი შემდგომში სხვა ზომები იქნება მიღებული, მთ შორის გაფიცვა.