გაერთიანებული ოპოზიციის ლიდერები დიპლომატიური კორპუსის წარმომადგენლებს შეხვდნენ. როგორც შეხვედრის შემდეგ ოპოზიციის ერთ-ერთმა ლიდერმა გიორგი ვაშაძემ განაცხადა, მათ დიპლომატიური კორპუსის წარმომადგენლებს ველისციხეში მომხდარ დაპირისპირებაზე მიაწოდეს ინფორმაცია.

„დიპლომატიური კორპუსი ძალიან შეშფოთებულია, რადგან ყველამ ძალიან კარგად იცის, რომ დემოკრატიის ერთ-ერთი მთავარი სტანდარტია, რომ ყველას აქვს გამოხატვის, გადაადგილების თავისუფლება და ის ბლოკადა, რაც შსს-მ მოაწყო არის ჩვეულებრივი კანონგარეშე ქმედება პოლიციის ფორმაში ჩაცმული ჯგუფების, რომელსაც შეგვიძლია დავარქვათ კრიმინალური დაჯგუფება", - განაცხადა ვაშაძემ.