რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის სხდომა გაიმართა

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2018 წლის მეექვსე სხდომა გაიმართა.

რელიგიის საკითხთა სახელმწიფო სააგენტოს ინფორმაციით, სხდომას მართლმადიდებელი ეკლესიისა და სომეხთა სამოციქულო ეკლესიის საქართველოს ეპარქიის წარმომადგენლები დაესწრნენ.

კომისიამ საქართველოს მართლმადიდებელი ეკლესიის მიერ წარდგენილი 15 საკითხიდან თხუთმეტივეზე დადებითი რეკომენდაცია გასცა.

კომისიამ, ასევე, დადებითი გადაწყვეტილება მიიღო სომეხთა სამოციქულო ეკლესიის საქართველოს ეპარქიის მიერ წარდგენილ 3 საკითხზე.