გაერთიანებული წყალმომარაგების კომპანიამ იმერეთის რეგიონის რამდენიმე მუნიციპალიტეტეში წყალმომარაგების გაუმჯობესების მიზნით, შიდა სისტემების სარეაბილიტაციო სამუშაოები დაასრულა.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, ვანში, სამტრედიასა და ბაღდათის რამდენიმე ქუჩაზე წყლის ინფრასტრუქტურა განახლდა, შედეგად მოსახლეობას სასმელი წყლის მიწოდების გრაფიკი და ხარისხი გაუუმჯობესდა.

სამინისტროს ინფორმაციით, ვანში, თავისუფლების ქუჩაზე მოძველებული ქსელის რეაბილიტაციის შედეგად რამდენიმე ათეული ოჯახი უწყვეტი წყალმომარაგებაზე გადავიდა. ამორტიზებული წყალმომარაგების მაგისტრალი ახალი მილებით შეიცვალა სამტრედიაში, დადიანისა და ნინოშვილის ქუჩების სხვადასხვა მონაკვეთზე, რის შედეგად 200-მდე ადამინისთვის სასმელი წყლის გრაფიკი გაუმჯობესდა. ამასთან, სამტერდიის მუნიციპალიტეტის სოფელ მელაურში ინფრასტრუქტურული სამუშაოების დასრულების შედეგად, მოსახლეობა სასმელი წყლის გაუმჯობესებული გრაფიკით უკვე სარგებლობს.

წყლის ინფრასტრუქტურული სამუშაობი დასრულდა ბაღდათის რამდენიმე ქუჩაზე: წერეთლის, თამარ მეფისა და ფურცელაძის, ასევე სოფელი ფერსათის მაცხოვრებლებისთვის სასმელი წყლის მიწოდება მნიშვნელოვნად გაუმჯობესდა.