სააპელაციო სასამართლომ ცესკო-ს შემაჯამებელი ოქმის გაუქმების თაობაზე „ნაციონალური მოძრაობის“ საჩივარი არ დააკმაყოფილა.
აღნიშნული გადაწყვეტილება სააპელაციო სასამართლოს მოსამართლეთა კოლეგიამ გამოაცხადა, შესაბამისად მეორე ინსტანციამ ძალაში დატოვა საქალაქო სასამართლოს გადაწყვეტილება.
„ნაციონალური მოძრაობა“ და გაერთიანებული ოპოზიცია ითხოვდა გაუქმებულიყო ცენტრალური საარჩევნო კომისიის მიერ გამოქვეყნებული შემაჯამებელი ოქმი.
„შემაჯამებელი ოქმის გაუქმებას ვითხოვთ იმის გათვალისწინებით, რომ ადგილი ჰქონდა ამომრჩევლებზე ძალადობის, დაშინების და მოსყიდვის ფაქტებს. ასევე, დარღვევა იყო ხმის ფარულობასთან დაკავშირებითაც. ჩვენ ყველა ფაქტი გვაქვს“, - განაცხადა გიორგი ჟამუტაშვილმა.
ოპოზიცია სამართლებრივი დავის გაგრძელებას ევროპულ სასამართლოში გეგმავს.