ფოთის საზღვაო ნავსადგურმა მონაწილეობა მიიღო სამოქალაქო განვითარების სააგენტო Civil Development Agency (CiDA)-ს მიერ ორგანიზებულ სამუშაო შეხვედრაში. კომპანიის ცნობით, შეხვედრა ქალთა როლის გაძლიერებასა და ბიზნესში მათ კორპორაციულ მდგრადობას შეეხებოდა. ,,ეიპიემ ტერმინალს ფოთის“ პრეზენტაციაში წარმოდგენილი იყო ფოთის პორტში ქალთა გაძლიერების კუთხით გადადგმული პრაქტიკული ნაბიჯები და სამომავლო გეგმები WEP (Women Empowermen Principles) პრინციპების დანერგვის მიმართულებით.
მათივე ინფორმაციით, ამავე თემაზე მოეწყო დისკუსია. ინიციატივაში მონაწილე კომპანიების ხელმძღვანელებმა განიხილეს ქალთა გაძლიერების მნიშვნელობა, თუ რა სარგებელი შეიძლება მოუტანოს კომპანიასა და საზოგადოებას ქალების მეტმა ჩართულობამ ბიზნეს სექტორში. „აღსანიშნავია, რომ 2018 წლიდან ფოთის პორტი აქტიურად მონაწილეობს ამ ინიციატივაში, რადგან ქალების მეტი ჩართულობა და აქტიურობა ხელს უწყობს ბიზნესისა და ეკონომიკის მდგრად განვითარებას“, - აცხადებენ ,,ეიპიემ ტერმინალს ფოთში“.