პირადად მე არჩევანს დიმიტრი გაბუნიაზე არ შევაჩერებდი, - ამის შესახებ საპარლამენტო უმრავლესობის დეპუტატმა დიმიტრი ცქიტიშვილმა სექსუალური შევიწროების კანონპროექტის შესახებ მოწყობილ სამუშაო შეხვედრაზე განაცხადა.

„რამდენად დავნიშნავდი თუ არა მე დიმიტრი გაბუნიას, პრეზიდენტის საპარლამენტო მდივნად, გეტყვით, რომ მე არ დავნიშნავდი. საპარლამენტო მდივანის არჩევა პარლამენტის პრეროგატივა არ არის და შესაბამისად, კანდიდატურის შეფასება ჩვენი მხრიდან არასწორი იქნებოდა. თუმცა, პირადად მე არჩევანს გაბუნიაზე არ შევაჩერებდი“, - განაცხადა დიმიტრი ცქიტიშვილმა.

ადვოკატი დიმიტრი გაბუნია პრეზიდენტმა სალომე ზურაბიშვილმა საპარლამენტო მდივნად 18 დეკემბერს დანიშნა. დანიშვნამდე ზურაბიშვილს ფემინისტურმა გაერთიანებამ “ქალთა მოძრაობამ” განცხადება გაავრცელა და სალომე ზურაბიშვილს კანდიდატურაზე უარის თქმისკენ მოუწოდა. ფემინისტური გაერთიანების უკმაყოფილება დიმიტრი გაბუნიას იმ განცხადებამ გამოიწვია, რომლითაც ის ზვიად დევდრიანის წინააღმდეგ სექსუალურ შევიწროებასთან დაკავშირებით გამოთქმულ ბრალდებებს გამოეხმაურა.