რუსთავის მუნიციპალურ პროფესიულ-დრამატულ თეატრში, სპექტაკლ ,,დონ ჟუანის“ პრემიერა გაიმართა

გიგა ლორთქიფანიძის სახელობის, რუსთავის მუნიციპალურ პროფესიულ-დრამატულ თეატრში, სპექტაკლ ,,დონ ჟუანის“ პრემიერა გაიმართა.

როგორც „ინტერპრესნიუსს“ რუსთავის მუნიციპალიტეტის მერიიდან აცნობეს, სპექტაკლი, თეატრის სამხატვრო ხელმძღვანელმა, რეჟისორმა სოსო ნემსაძემ ფრანგი დრამატურგის, ჟან-ბატისტ მოლიერის შედევრად აღიარებული პიესის ,,დონ ჟუანი ანუ ქვის სტუმარის“ მიხედვით დადგა.

მათივე ინფორმაციით, სპექტაკლის პრემიერას რუსთავის მერი ირაკი ტაბაღუა, ქვემო ქართლის გუბერნატორის მოადგილე კახა კობერიძე, ადგილობრივი ხელისუფლების სხვა წარმომადგენლები, ხელოვნებათმცოდნეები, თეატრის კრიტიკოსები, მსახიობები და სხვა მიწვეული სტუმრები დაესწრნენ.

როგორც რეჟისორმა სოსო ნემსაძემ განაცხადა, სპექტაკლი ერთგვარი ექსპერიმენტი იყო, რომელსაც მასში დაკავებულმა მსახიობებმა კარგად გაართვეს თავი.

,,ჩვენ გვინდოდა გვეჩვენებინა, ის თუ რატომ ირჩევს საზოგადოება დონ ჟუანის მსგავს პერსონებს და რატომ არ აძლევენ მას ევოლუციის უფლებას, შეცვალოს საკუთარი ღირებულებები და გახდეს უფრო მეტად ღირსეული, ან საერთოდ ვინ არის ეს საზოგადოება, დომინანტი ხალხი, ვისზეც დგას სამყარო, თუ მხოლოდ გარკვეული ნაწილი ამ სამყაროსი?! შეცვალა თუ არა დრომ მე-17 საუკუნეში დასმული პრობლემა და დაკარგა თუ არა აქტუალობა ქცევამ რომელსაც დონ ჟუანობა ჰქვია“, - განაცხადა სოსო ნემსაძემ.

სპექტაკლ ,,დონ ჟუანში“ მთავარ როლებს მსახიობები ნიკა ჩხაიძე, სოსო ელიზბარაშვილი, სოფო ზერაგია ასრულებდნენ. მასში რუსთავის თეატრის ახალგაზრდა და უფროსი თაობის მსახიობები ლუკა ციხისთავი, ანა შარვაძე, თეა შარვაშიძე, თეონა ხვედელიძე, ნათია მელაძე, ნათია არბოლიშვილი, ზურა ჯინჭარაძე, ზურაბ ჯინჭარაძე, ლაშა კანკავა, არჩილ მაკალათია თამაშობენ.

,,დონ ჟუანის“ მხატვრული გაფორმება ბიძინა სიდიანს ეკუთვნის, კომპოზიტორი მიშა მდინარაძე, ქორეოგრაფი გია მარღანია, საბრძოლო და სასცენო მოძრაობაზე კი შოთა გეგიამ იმუშავა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს