ვაკეში მომხდარი სროლის გამო დაკავებულ დავით კაჭარავას აღკვეთის ღონისძიების სახით პატიმრობა შეეფარდა

ჭავჭავაძის გამზირზე მომხდარი სროლის გამო დაკავებულ დავით კაჭარავას აღკვეთის ღონისძიების სახით პატიმრობა შეეფარდა.

როგორც საქმის პროკურორმა განმარტა, შემთხვევის ადგილიდან ორი ცეცხლსასროლი იარაღი და 21 მასრაა ამოღებული.

"სასამართლომ სრულად გაიზიარა ბრალდების მხრის არგუმენტაცია, მიიჩნია, რომ დღეის მდგომარეობით ნამდვილად არსებობს ბრალდებულის მხრიდან როგორც მიმალვის, ისე ახალი დანაშაულის ჩადენის და მტკიცებულებათა განადგურების საფრთხე. შესაბამისად, მას აღკვეთის ღონისძიების სახით პატიმრობა შეეფარდა.

საქმეში წარმოდგენილია, როგორც შემთხვევის ადგილის დათვალიერების ოქმი, რომლის დროსაც ამოღებულია ცეცხლსასროლი იარაღი, ასევე წარმოდგენილია ამ იარაღიდან გასროლილი მასრები, არის როგორც პატრულ ინსპექტორთა, ასევე სხვა მოწმეთა ჩვენებები და სხვა მტკიცებულებები. საქმეზე მიმდინარეობს გამოძიება", - განაცხადა კალანდაძემ.

მისივე განმარტებით, ბრალდებულმა გაქცევის მცდელობისას ფეხზე დაზიანება მიიღო, რის გამოც ის კლინიკაშია მოთავსებული.

"ბრალდებულმა გაქცევის მცდელობისას ფეხზე დაზიანება მიიღო. გავრცელდა ინფორმაცია თითქოს, ის დაჭრილია, მაგრამ არ არის, ფეხზე აქვს ტრავმა, რის გამოც, ექიმის ცნობის თანახმად, მან ვერ შეძლო სასამართლოს სხდომის დარბაზში გამოცხადება და სხდომა ჩატარდა პალატაში", - განაცხადა კალანდაძემ.

კითხვაზე, ხომ არ დაინტერესდა პროკურატურა ბრალდებულის ჯანმრთელობის ცნობის კანონიერებაზე, რადგან გავრცელებული ინფორმაციით, ბრალდებულის დედა ჯანდაცვის მინისტრის ყოფილი მოადგილე იყო, პროკურორი პასუხობს, რომ კაჭარავას ჯანმრთელობის ცნობის კანონიერება ეჭქვეშ არ დამდგარა.

"აღნიშნული ცნობის კანონიერება და ნამდვილობა ეჭვქვეშ არ დამდგარა, მითუმეტეს, პროცესის მონაწილეებმა ჩვენი თვალითაც ვნახეთ, რომ დავით კაჭარავას ჯანმრთელობის მდგომარეობა არ უწყობდა საიმისოდ ხელს, რომ პროცესზე წარმოდგენილიყო", - განაცხადა პროკურორმა.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)