საქართველოს შს მინისტრის, გიორგი გახარიას განცხადებით, პირი, რომელზეც თელავის აქციასთან დაკავშირებით ოპოზიცია საუბრობდა, რომ სუს-ის აგენტია, დაკავებულია. ამის შესახებ გახარიამ პარლამენტის ტრიბუნიდან განაცხადა, სადაც მისი ანგარიშის მოსმენა მიმდინარეობს. „ახლა შემატყობინეს, რომ ჩვენს დეპუტატებზე თავდამსხმელი სუს-ის "აგენტი" დაკავებულია“, - განაცხადა გახარიამ.

„ევროპული საქართველოს“ ერთ-ერთი ლიდერის, გიგი უგულავას განცხადებით, პირი, რომლის გამოც თელავში თამარ ხულორდავას მანქანა დაზიანდა, სუს-ის აგენტი და პროვოკატორია. მისი თქმით, აღნიშნული პირი იყო რუსთაველის გამზრიზე, 2 დეკემბერს გამართულ აქციაზეც.