ფრაქცია „ნაციონალური მოძრაობა“ პარლამენტში თემირლან მაჩალიკაშვილის საქმეზე საგამოძიებო კომისიის შექმნის ინიციატივით გამოვა

ფრაქცია „ნაციონალური მოძრაობა“ პარლამენტში თემირლან მაჩალიკაშვილის საქმეზე საგამოძიებო კომისიის შექმნის ინიციატივით გამოვა, - ამის შესახებ „ინტერპრესნიუსს“ „ნაციონალური მოძრაობის“ ერთ-ერთმა ლიდერმა ნიკა მელიამ განუცხადა.

ნიკა მელიას განცხადებით, აღნიშნული მოთხოვნა პარლამენტის ბიუროს უახლოეს სხდომაზე შევა.

საგამოძიებო კომისიის შექმნასთან დაკავშირებით დღეს განცხადება გააკეთა თემირლან მაჩალიკაშვილის მამამ, მალხაზ მაჩალიკაშვილმა. გარდაცვლილის ოჯახი აცხადებს, რომ ისინი წინააღმდეგი არ არიან გასაჯაროვდეს საქმეში არსებული ყველა მასალა, ვინაიდან საზოგადოებამ გაიგოს სიმართლე, რომ გარდაცვლილ თემირლან მაჩალიკაშვილს ტერორისტულ ორგანიზაციებთან, ან მათთან დაახლოებულ პირებთან „არანაირი კავშირი არ ჰქონდა და ბრალდება, რომელიც სახელმწიფო უსაფრთხოების მხრიდან კეთდება, უსაფუძვლოა“.

ნიკა მელიას განცხადებით, მიუხედავად იმისა, რომ ფრაქცია საგამოძიებო კომისიის შექმნის მოთხოვნით გამოვა, მას ამ ხელისუფლების პირობებში ობიექტური გამოძიების იმედი არ აქვს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს