ირაკლი ზარქუა - ოპოზიცია ისევ აგრძელებს მოსახლეობის შეცდომაში შეყვანას და ცრუ ინფორმაციის გავრცელებას

თბილისის საკრებულოს ქონების მართვის და საფინანსო-საბიუჯეტი კომისიის თავმჯდომარემ, ირაკლი ზარქუამ ოპოზიცია სიცრუის ტირაჟირებაში დაადანაშაულა.

როგორც „ინტერპრესნიუსს“ თბილისის საკრებულოდან აცნობეს, ზარქუამ ოპოზიციის განცხადებას უპასუხა, რომლის მიხედვითაც საახალწლო ღონისძიებებისთვის მერია 2 მილიონ 700 ათას ლარს ტენდერის გამოცხადების გარეშე ხარჯავს და ამისთვის პრემიერ-მინისტრმა განკარგულება გამოსცა.

„გუშინ, საკრებულოს სხდომაზე, რომელზეც დედაქალაქის ბიუჯეტს განვიხილავდით, ოპოზიციამ კითხვები დასვა და პასუხებს არ მოუსმინა, დატოვეს სხდომა. ეს მათი ხელწერაა, ბრალდება წამოგიყენონ და მერე გაიქცნენ. დღევანდელი მათი განცხადებაც მორიგი სპექტაკლია. მილიონ 700 ათასი ლარი, რომელიც გამოიყო საახალწლო ხარჯებისთვის, ეს არის მუნიციპალიტეტის თანხა და ის დაიხარჯება მუსიკოსების, მომღერლების ანაზღაურებისთვის. პრემიერ-მინისტრმა კი თავისი განკარგულებით, თანხმობა მისცა მუნიციპალიტეტს, რომ გამარტივებული წესით, ტენდერის გარეშე, მოხდეს ამ თანხების ათვისება. როგორ წარმოგიდგენიათ, რომ ტენდერის საფუძველზე შევარჩიოთ მუსიკოსები. ეს არასდროს არ მომხდარა. მაგრამ ოპოზიციის მიზანი სწორედ ის არის, რომ საზოგადოება შეცდომაში შეიყვანონ,“- განაცხადა ირაკლი ზარქუამ.

მან 2019 წლის ბიუჯეტზეც გააკეთა განცხადება და აღნიშნა, რომ მთავარი ფინანსური დოკუმენტი აქცენტირებულია დედაქალაქის საჭიროებებზე, გაზრდილია სოციალური მიმართულებები, რომლისთვისაც 192 მილიონ ლარზე მეტი დაიხარჯება.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან