ქეთევან ციხელაშვილი - რეჟიმი პირდაპირ მუშაობს ყველას, მათ შორის ოსების ინტერესების წინააღმდეგ

რეჟიმი პირდაპირ მუშაობს ყველას, მათ შორის ოსების ინტერესების წინააღმდეგ, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა.

ციხელაშვილი გამოეხმაურა ცხინვალის რეგიონის საოკუპაციო რეჟიმის მიერ რეგიონიდან საქართველოს დანარჩენ ტერიტორიაზე გადმომსვლელთა კონტროლის გაძლიერებას.

„სამწუხაროდ, ეს არ არის სიახლე, მუდმივად არის მცდელობა, რომ გაზრდილი კონტაქტების ფონზე გადაადგილება გაამკაცრონ და გაართულონ“, - განაცხადა მან.

სახელმწიფო მინისტრის თქმით, ეს შეზღუდვა დამატებით პრობლემებს უქმნის ცხინვალის რეგიონის ისედაც რთულ მდგომარეობაში მყოფ მოსახლეობას, რომელთათვისაც გადაადგილება სასიცოცხლოდ მნიშვნელოვანია.

„ეს კონკრეტული განცხადება ეხება იმ ადამიანებს, განსაკუთრებით ეთნიკურად ოსებს, რომლებიც არა უშუალოდ საოკუპაციო ხაზის მიმდებარედ, არამედ ცხინვალის რეგიონის სიღრმეში ცხოვრობენ და რომელთაც გადაადგილება ყველაზე მეტად სჭიდებათ. ისინი ცდილობენ ამისათვის სხვადასხვა გზა მოძებნონ. ხშირად რუსეთის გავლით მაინც ჩამოდიან საქართველოს დანარჩენ ტერიტორიაზე. დამატებითი ზომა კი საახალწლოდ განაცხადია იმის თაობაზე, რომ რეჟიმი პირდაპირ მუშაობს ყველას, მათ შორის ოსების ინტერესების წინააღმდეგ. ეს ჩვენთვის, ყველასთვის დასკვნის გამოტანის საფუძველია, რომ ამას აუცილებლად უნდა დავუპირისპირდეთ მეტი კონტაქტითა და მეტი განვითარებით“, - განაცხადა ქეთევან ციხელაშვილმა.

შეგახსენებთ, რომ ამიერიდან საქართველოს მთავრობის მიერ კონტროლირებად ტერიტორიაზე მოსახვედრად სპეციალური ე.წ. საშვია აუცილებელი.

იხილეთ ვიდეო

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია